عمربن سعد
حی قیوم قاضی الحاجات
ازرخ مصطفی نموده نجات
ولی الله شددلیل نجات
برمحمد آل محمد بلند بگو صلوات
رحمت الله به شیعیان حسین
رحمت الله به ذاکران حسین
لعنة الله به قاتلان حسین
ایام محرم است می دهد برات
بی تکبر بلند بگو صلوات
آغلاسون شیعه گرک تا نقدور وار برات
بو حسین ابن علی دندی بیزه نجات
وریلر حشریده مومینلرموزدو حسنات
دیه هر کیمسه بر اولاد محمد صلوات
ایا اهل مجلس سیزه مندن سلام اولسون
بو مجلس حیف مجلیسدی گرک نظم ونظام اولسون
بو مجلس اگر هرکس خلاف ایتسه یقین بیلسون اولار دشمن
اونیلان اول خدای عالمین بیلسون
علی ابن ابیطالب رسول اکرمین بیلسون
بیلور سوز باشوزه توبراق گل تک سولمو سوز یاران
غرض بوردا عزای حضرت عباس که بیلحظه قیاس اولسون
ابولفضلین او وقتین یاده حال میدان دعواده
قلم اولدی قول آتدان یره دوشدی او صحراه
یتیش دادیمه سسلندی حسین قارداش بو معواده
سنیلن قول بویون آخیر نفس قولسوز غلام اولسون
ضعیف اول اعتماد اولما عزیزیم
حیله شیطانه آلانما
بواوضای جهلتده جدال سلطنت سالما
جهالت مجمرینده اوت دوتوب بی جا عبس یانما
بوسوز معلومیدور امام هر درده درماندور
الظاهر ریاست ایستسیدی سبط بیغمبر
گلیب ایلردی بیعت تشنه قالمازدی علی اصغر
ایالیندستگیر اتمزدیلر قالمازدی بی معجر
توهمدوربصیرت گوزلرون آچ گور نه عالمدور
با ادب اول تسلیت ور حضرت زهرایه سن
کربلانین قان کشی صدیقه کبرایه سن
اولماغافل ای عزیزیم دردوین درمانیدور
بو حسینه آغلاماق یعنی خدافرمانیدئر
ابالفلین عزاسینده آماندور با ادب ایلش
الو قوی قوینوا شاداب اولما بی قرار ایلش
ابالفضلین عزاسینده یقین وار بی سبب
تمامن شیعه خلوص اولانلار جمله رام اولسون
آغلیون گوز یاش توکون مظلوم حسینون یلسیدور
یوم عاشورا بوگون هر بیر بلا صحراسیدور
عالم معناده آغلار حضرت ختم رسول
مجلس ماتملری حیران گزر زهرا بطول
یاز دولار بو شامیلر نامه حسین گندیر
سالدولار فرصت اله بوردا خیانت ایتدیلر
چوخلارینا وار اورکده کینه بدروحنین
چکدولر بو دشتده تا کی قصاص اولسون حسین
غریب دشت و بلا برگزیده ثقلین
مه سبهر شرف حضرت امام حسین
امام تشنه لبان سبط آل طاهانی
نشان ورون منه سیز نو نهال زهرانی
نشان ویرون عرضیمی قیلیم اظهار
گورون نه نوعی بنا جنگ ایدر شه ابرار
گلمیشم کربلایه ری ملکونون سوداسینه
گلمدیم جنگ ایلیم قانلار توکم باشلار کسم
هایاندا قالدی بوگون لشکر ابو سفیان
هایانا تاخیره توشدی اول شمر بی ایمان
زینب
دنیاده چکن هجران
الله الله آدیمدی منیم زینب
قان یاش توکرم گوزدن
الله الله آدیمدی منیم زینب
امام
خدایا بر ملالم من شهید اتقیایم من
وئرن یتمیش ایکی قوربان
حسین کربلایم من
حر
غریب دشت و بلا برگزیده ثقلین
مه سبهر شرف حضرت امام حسین
امام تشنه لبان سبط آل طاهانی
نشان ورون منه سیز نو نهال زهرانی
نشان ویرون عرضیمی قیلیم اظهار
گورون نه نوعی بنا جنگ ایدر شه ابرار
حر
ایا امام زمین وزمان سلام علیک
قدوم زینت عرش برین سلام وعلیک
عزیز فاطمه آرام جان بیغمبر
جهاندا دایه سی روح الامین سلام علیک
نشان اسدالله یادگار علی
مدینه شاهی امام مبین سلام علیک
امام
کی ای جوان سعادت نشان علیک سلام
اولا منیله بوگون هم زبان علیک سلام
بو گلمگونده ندور مطلبون مگر کیمسن
منه سیتم زدیه قیل بیان علیک سلام
حر
آدیدی حر دلاور امیر جیش عرب
بودور حضوروه گلمگیمده مطلب
ایدوبدور حکم عبید زیاد بد انجام
علاجی یوخدی سنی شهر کوفیه آبارام
امام
یولین کسورسن او شامین آناسیدور زهرا
برادر حسن المجتبی امام هدا
اولورما بیر کس یول کسمگه دلاور ناس
یانیمدا سد سکندر کیمی دوروب عباس
حر
یا حسین ملامت ایتمه منی چون بو ایشده مجبورم
امیرکوفه بئله حکم ایدوبدی مامورم
بوکاروانی گرک قویمیام کناره گئده
سنیله من جنگ قیلام به ضرب تیغ سنان به هم بوکوفیان بی ایمان
امام
کیمون نه جرءتی واردی بو فکرون توش سون
نه بی خبر سن آنون ماتموده ایلشسون
یولون کسور سن اوشاهون کی عرشه لنگردور
بابا احمد مسل آتا حیدردور
حر
که ای بوگونده اولان جام مرگه آماده
آنام آدین باران اولمامیشدور دنیاده
اوکس کی والایمین اسمین ایلیه اظهار
یقین کی منده ائدردیمبیانیمی تکرار
ائدوم نه چاره آنون دختر پیغمبر
شفیعه گنه جمله اهل محشر دور
هانی اوقدرتیم بادشاه عرش مقام
حقارتیلن اونون باک آدین آپارام
امام
آی آتام اوغلی برادریم عباس
داینما ایله جوانان هاشیمه خبر
بویور قطاری یریدسون جوان علی اکبر
آت اوسته محکم اولون الده قبضه شمشیر
چخون قباقیمه دوشمنلرون چوشیر دلیر
ال آچسا سیزلره هر کیمسه گیرسه میدانه
اولون قتالینه آماده مرد مردانه
عباس
ای هشمی جوانلاری میداندور قورخمیون
برق بلا بوچولده نمایاندیور قورخمیون
آماده قتال صف اسستقیا اولون
شاه مدینه دن بیله فرماندی قورخمیون
کیمدور حسین فاطمه نون باغلاسون یولین
عباس الینده تیغ درخشاندی قورخمیون
عالم اگر قوشون اولا یالقوز برابرم
شیرخدا بابام شه مرداندی قورخمیون
البته قانین آلماغا بیچاره مسلومون
آل عقیله یاخشی جه دوراندی قور خمیون
آل تیغ آبداره ورون یا علی دیون
کرب و بلا دگول عربستاندی قورخمیون
حر
عباس پلنگ افکن ای راده خیبرکن
بو پیر کهنسالی ایتمه اوزوه دشمن
عباس
بیهوده نوا ایتمه مثل دیگران ای حر
بو سوزلریلن قورخماز عباس جوان ای حر
حر
من گلمیشم جنگه صلح اولسا بوگون خوشدور
عباس قوی بوینما بیر منت ال آتما او شمشیره
عباس
بس هاردا قالوب عباس سیزلر چکورسوز خنجر
ال قبضه شمشیره آت یوزمان ای حر
حر
فدا اولا سنه اولادیم هم جانیم
سنین قتلوه یوخدور الده فرمانیم
بودور صلاح چکول کناره بیر دوت آرام
آرایه گلمیه تا کی بو گونده ظلمت شام
زینب
نه شوریدور گنه چون بیر بیره دگوب لشکر
باسوب قلنجینی ابرو سینه علی اکبر
حسین مگر نه وارگئنه آت گزدیرور جوان قاسم
الین قلنجینون اوسته قویوبدی عباسیم
حسین ددم اوغلی سارالان رنگوه زینبیم قربان آی قارداش
نچون سارالدی یوزون آخدی گوزلروندن یاشو
نه توزدی صحنه رخساروه قونوب قارداش
باجون فدا سنه ای کشور ولایت ماه
بو سیریده منی الله رضاسی قیل آگاه
امام
اکبریم مه طلعتیم ای شبه پیغمبر اوغول
گل حضوریمه دورما علی اکبر اوغول
گیدوب دولان بو بیابانی ای جلیل نسب
گیدوب حضوروه گتور بیر حشم نستین عرب
سوال ایلرم سندن ای عرب قارداش
جوابیمی ورسن قلبیمی ائدوب بشاش
بویور نه یردی من زاره ایتگیلن اظهار
باخان زماندا هراسینده غم علامتی وار
عرب
بو دشت پر خطره نینوا دیلر نام
عیون خلق بو منزلده عین جاریه دور
داخی بیر اوزگه آدی دشت مار به دور
امام
عرب باخان زماندا مواسینده غم علامتی وار
ده گروم بو چولینده بیر آیری آدی وار
عرب
بیر آیری آدی شط الفرات دور مولا
امام
گنه وار اولسا آدی منه غریبه ایله بیان
عرب
بودور صحیحی من بینوا سنه قربان
بیر اوزگه آدی وار ای مه سپر جلال
اورکلره یتشور ذاکر اولاندا حزن وملان
فضای عالم آرا معدن بلادور بو
که ای غریب آقا صحرای کرب و بلادور بو
امام
گل ای نشانه سردار لا فتا قارداش
عزیز تاج سر بزم هل اتی قارداش
اولان زمانه ده پشت وپناه ودادرسیم
آتام برابری عباس باوفا قارداش
عباس
سسون فداسی اولوم سبط مصطفی قارداش
یگانه گوهر سلطان قل کفی قارداش
بویور ندور منه نسبت بودمده فرمانون
فنا جهاندا ویرن عمریمه صفا قارداش
امام
توقف ایتمه داخی ای یگانه دوران
بو چولده منزل ایدوب گور تدارک وسامان
تمام خیمه لری نصب قیل ایدون برپا
بودور سوزوم سنه ای یادگار ستیز خدا
خصوص زینب ایچون قور گیلان سرا یرده
گرک اولا سرا پرده بیر چخور یرده
عباس
بویور گلن ای پادشاه قارداشیم
مدینه دن چخالی هر مکان و منزلده
اولوردی زینب ایچون زینب باصفا یرده
ندور بو ایشده مگر حکمت ای امام زمان
ایدیم خانم باجیم ایچون چوخور یری مسکن
امام
که ای یارو یاوریم قارداش
بو یر او یردی دوشر اهل بیت طوفانه
باتار گل اوزلی جوانلار بوچولده القانه
اودور بو ایشده سبب ای شجاع پر غیرت
باجیم بو وقته کیمی گورمیوبدی هیچ ذلت
گرک اونون چادریندن گورونمسون اطراف
قلبیم یاناندا آتش هجرانه گور مسون
قارداشلاریم یاتاندا قیزیل قانه گورمسون
عمر
چارسی یوخدور بوگون بوردا بیئت ائده
ایتمه سه بیعت باش الدن اله شامه گئده
چوخلی تاخیر ایلدیم حتما بو گون شمر گلر
کربلا اسرارینی اول حیله گر یکسر بیر
من بیلن هر گون ایدوب ابن زیادی وسوسه
تا حسین ابن علینون باشینی تشنه کسه
چون خوارج نسلیدور واردور اورکده چوخ کدر
دشمن آل علیدور قانلارون ایلر حدر
نهران قانلارینی گلسه بورا یاده سالار
بو حسین ابن علیدن قان ایدوب قانلار آلار
شمر
طبال دینی ترک ایتدیم آتوب ایمانی اولدوم لا اوبال
ایندی دونم تستوه طبال طبلیوی یاخشی چال
بو حسینون باشینه بیلم سلطنت دعواسی وار
بی خبر دور باشیمین مین شور وغوغاسی وار
طبلوی طبال یاخشی چال باشیمدا ری سوداسی وار
عشق اولا به به بوگون دنیا یزیدون عشقینه
اهر منلر عرصه میدان آلان گوندی بو گون
داوطلبلر قان توکوب جاملار آلان گوندی بو گون
پهلوان لار خلعت زیبا آلان گوندی بو گون
سنده چال آل خلعتی زیبا یزیدون عشقینه
طبال اولدوم عجب شاد سسونن
احسن اوجالوب گویلره فریاد سسونن
باشدان ایاقه آهن فولاد سسونن
چال چال چال طبلی دونوم گوزلرون تستونه طبال
قانیلن الوان ایدوم کرب و بلا گلزارینی
باغلاروق بو عترت زهرایه سویولارینی
یاندوراق نار عطشده مرتضی قیزلارینی
عرشه چخسون بانگ وا ویلا یزیدون عشقینه
منم فرمانده پیر امیر عدوانم
بو دریای بلا ایچره نهنگ بحر عمانم
بوگون بو روز عاشورا لوای حقی سیندرام
یرینده پرچم ابوسفیانی وردورام
دل پیغمبری غمگین ایدوب قانیله دولدورام
زمان ما سلف چخمور خیالیمنن منیم هرگز
اودورکی سینمه ورام دمادم تعنه ونهفس
زمان ما سلف قانلار آخوب دشت وبیابانه
اوقدری زحمت ورنجی ویروبلار قوم سفیانه
ایا هل یاران بیلون بو حکم ایچره دور بوگون
قاضیم فرماندهم هر امیرم اجرادور بوگون
چون قسم یاد ایلیوب قرآنه من آند ایچمیشم
نور من بیر یرده ظلمت چکوب تار ایدمیشم
بتدنه قرآن تفسیر ایدوب وردوم ورق
گورمدوم سفیان آدین ثبت ایلیه رب الخلق
گل وانسان مضر من لحمدین ان من علق
قویمیوب تعبییض انسانه یقین رب الخلق
آتلانوب گلدوب بلا صحراسینه
بوجسین ابن علی دعواسینه
دوشموشم ری مولکونون سوداسینه
بغضیمی من بولدوروم بوچولده من آل یاسینه
ایندی فرمان ایلرم بو چولده قوم مبتله
ذره ای رحمت اتمرم او زاده پیغمبره
کربلا دشتینده من شورو قیامت ایلورم
شهر بو دنیا گرکدور مذهبی من نیلورم
طالب حکم ایالت اولموشام
زاده هرجانیدن حکم ریاست آلمیشام
استخاره ایلدوم آیات قرآنه اوزوم
آیه سفک والدما ئیلق اولوب روشن گوزوم
قوی سوزی واضح دیوم اولسون عیان
خوش گلیبدور استخارم اولمشام ایندی روان
سیز بوگون جنگ احد قانلار ینی یاده سالون
انتقام قانلاری الان آلون
بدریده صفینیده قانلار آخوب
بو عداوتلر مگر یادان چخوب
تادلق طبلون بوگون من وردوروم
یارو انصار حسینی یکسره تاقر دروم
بدرو صفین قانینی بوردا تمامن آلدوروم
قارداشی عباسینین قولارینی تا سالدوروم
مجلس ایچره زینبی ساخلادروم
اصغرینی حلقون گرک اوخلاندروم
چون تمرود ایلیوب عمربن امام وقتینه
ایستیور لطمه ورا بو آل سفیان تختینه
قانیله اوچ یوز بویوک عالم بوگون فتوا وروب
من اوزومده عالمم قانین بو گون واجب گوروب
گلمیشم بو کربلایه یا گرک بیعت آلام
اتمه سه بیعت اونو دریای خون ایچره سالام
هاردا قالمییش سعدبن اوغلی جنگی تاخیره سالوب
بیلورم علت ندور بو چولده آواره قالوب
باشدا یوزمین لشگری واردور گرک دور جنگ ائده
عرصه کرب وبلا دشتین حسینه تنگ ائده
سالدی تاخیره ایش مامور اولوب من گلمیشم
بسندور فکرون سنون ای زاده سعددنی
گل بوگون قلبوندکی فکروندی آگاه ایت منی
ایلیوب لر کربلالده حاکم لشکر سنی
سویله منظورین ندور چوخ ایتمه پنهان یبن سعد
عمر
صبر ایله قصدیم ندور الان سنه واضح دیوم
قالموشام آواره بو صحراده بیلم نیلیوم
من نجه لب تشنه بیر سلطانه جنگ ایلیوم
واردی فکریم بورداکی غوغانی آرام ایلیوم
یابن سعد روز عاشورا گرک بیر ایش گوره خنجر یره
ترک ایدوب جناتی گلسون تا کی پیغمبر یره
پارچالانسون گوی سوزولسون بیر به بیر اخگر یره
وئر اجازه شهر سالسون ایندی طوفان یا بن سعد
بیلموسن سعد اوغلی طوفان سالماقا حاضر دگول
انتقام بدرو خیبر ۀماقا حاضر دگول
قیل تحمل یا شمر قوزانان طوفانی آرام ایلیوم
شمر
یابن سعد چوخ چتیندور اینی بو طوفانی آرام ایلمک
کربلا دشتیندکی غوغانی آرام ایلمک
چوخدا مشکلدور یزیدی خوار بدنام ایلمک
کربلا اولسون گرک قانیله الوان یابن سعد
عمر
گل منی ای شمر دون بو چنگه وارایلمه
بند ظلمه آل طاهانی گرفتار ایلمه
کربلا دشتینده زهرانی عزادار ایلمه
هتل تحمل یاشمر قوزانان طوفانی آرام ایلیوم
شمر
یابن سعد حاضرم دنیادن اوتری حق اینکار ایلیم
بند ظلمه آۀ طاهانی گرفتار ایلیم
قدرتیم واردور سنی بو جنگه وادار ایلیم
ور منه رخصت ایدوم ظلم فراوان یابن سعد
عمر
ای شمر ذی الجوشن گوروم الله سنی خار ایلسون
هر ایکی دنیاده مین درده گرفتار ایلسون
بس نجه سعد اوغلی سن تک حقی انکار ایلسون
چوخ تلسمه آتش سوزان آرام ایلیوم
شمر
یابن سعد ایستور سن کربلاده من سنی خوار ایتمیم
سندروب فرمانوی بیر آیری رفتار ایتمیم
خواب غفلتدن سنی زوریه بیدار ایتمیم
گئت کناره من وروم کفاره فرمان یابن سعد
عمر
فکر بیجادور بوسوز سفیانی الدن وروم
من یزید ستوم تک سلطانی الدن وروم
سلطنت فکریند یم دنیانی الدن وروم
یوخدی بیر یول سن کیمی شیطانی آرام ایلیوم
شمر
یابن سعد من اوسترم باشیمه سودا وروبدور تازدن
ایستسم بیرتصتیلن دونیانی اولدورم بوگون
اولموشام سر مست جان عشق آشوب اندازدن
ساکنان عالم امکان اولدورم بوگون
عمر
یابن ذی الجوشن بو حسین بوسن او لشکر
ای نانجیب بی حیا هر نه بیلور سن آیری ادعا
اختیار لشکری الان سنه ائتدوم عطا
قویمادو غوغای عاشوران آرام ایلیوم
شمر
خنجر بورانیمی چون برق سوزان ایلرم
کربلا دستیندکی غوغانی آرام ایلرم
من حسینون حسینیمی خاکیمه یکسان ایلرم
قدی حسین اولسون بوگون قرآنه قربان یابن سعد
الا یا ایها الطبال بزن طبلون دماغ اوسته
عمر
یابن ذی الجوشن خیال خامیدن گلدون ایاشدادیدن بدتر
چتیندور ری هواسیندن کچم والامی بلا هی
کی سن باعث خون اولدن ایا شمر ستم پرور
ایا شمر ابن ذی الجوشن منده گلمیشم زاره
ولی حیفیم گلور اول قدیلن قامت باته قانه
حسین ابن علینیده چوخ یانما حقیرانه
دایانموش حضرت عباس قباقیندا دلیرانه
ال امان ال امان صد ال امان اول حضرت عباسیدن
قد اوجا قولار اوزون بازو قوی همتاسی یوخ
حیدره کراره تک صاحب لوادن قورخورام یاشمر
شمر
امیر کوفده نقشه گتوردوم نظره
بیر امان نامه یازوب ابن زیاد اول سروره
عمر
یاشمر یازولوب شرح امان نامه هم امضاء اولونوب
ایندی اعلان ایدرم گورم بیرجه کیمین جراتی وار
کیمدی جرات ایلیوب جانب عباسه گئده
آپاروب نامه نی عباسه وئره همت ائده
شمر
نامه نی عهدمه آلام بو سوزون قوتارانی
بیلورم مهمانی اولدورمزعلینون بالاسی
هم قبیلیمدی منیم بیرده ابالفضل آناسی
سوزوم اصل اگر یوخدی سرو صورتی وار
عباس عباس عباس
گل ای غضنفر دوران سرا عباس
سنی اوچون واردی بیر نجه سوزوم مخفی
ایشیتمسون بو سوزلری شاه کربلا عباس
اوکیمدور عباس آدین اظهار ایلین
بو قارانوق گئجه ده بیزلری آزار ایلین
باجی اوغلی گلدیم سن اوچون وار سوزوم مخفی
ایشیتمسون بو سوزلری شاه کربلا عباس
گل ای شرار ستم پرور جفا کانی
بو شرطیله کی دیلوه گلمسون خطا ای شمر
اجرکم عندالله
